კვერი - მეგრული სამზარეულოს ერთ-ერთი გამორჩეული კერძია. ის ახლადამოყვანილი სულგუნისგან მზადდება და ,როგორც წესი, ოვალური ან ნახევარმთვარის ფორმა აქვს. გაითვალისწინეთ, კვერის მთავარი ინგრედიენტი სულუგუნი არ უნდა იყოს მარილიანი.
ინგრედიენტები
ავურიოთ კვერცხი, გაცრილი ფქვილის ნაწილი, მარილი და ნელ-ნელა დავამატოთ წყალი. მოვზილოთ ცომი, სანამ ერთგვაროვან მასას არ მივიღებთ. პროცესში დავუმატოთ დანარჩენი ფქვილი და წყალი, რამდენსაც ცომი მოითხოვს. თუ ცომი ძალიან მაგარი გამოვიდა, დავუმატოთ მეტი წყალი, ან პირიქით - ფქვილი. გადავაფაროთ ცომს ჩაის ტილო და 20-30 წუთით დავასვენოთ.
შემდეგ გავყოთ ცომი 45 ბურთად (თითო დაახლოებით 18 გრამს უნდა იწონიდეს). სამუშაო მაგიდაზე დავყაროთ ცოტაოდენი ფქვილი და სათითაოდ გავაბრტყელოთ (თითო 2 მმ სისქის). გახეხეთ ყველი და დაყავით იგივე რაოდენობის ბურთებად. მოათავსეთ შიგთავსი ცომში. შეგიძლიათ მრგვალი ან ნახევარმთვარის ფორმის კვერები გააკეთოთ. მოხარშეთ ყველიანი კვერები მდუღარე მარილიან წყალში.
როდესაც კვერები ზედაპირზე ამოტივტივდება, გააჩერეთ კიდევ 3 წუთი და გადმოიღეთ. ყველიანი კვერები შეგიძლიათ მიირთვათ კარაქთან ან არაჟანთან ერთად.