ბოსტნეულის წვნიანები – ეს ის კულინარიული განხრაა, სადაც დიასახლისების შესაძლებლობებს საზღვარი არ აქვს. სუფი შეიძლება იყოს სქელი ან წვნიანი, ცხარე ან დიეტური, გამჭვირვალე ან თხელი პიურეს მსგავსი, ხორციანი ან სამარხვო.
დღეს გთავაზობთ სტაფილოსა და ჯანჯაფილის სუფ-პიურეს რეცეპტს, რომელიც არა მარტო გემრიელია, არამედ საოცრად სასარგებლოც. განსაკუთრებით ზამთარში, როცა ამდენი ვირუსული ინფექციაა გავრცელებული. ჯანჯაფილი ხომ თავისი სამკურნალო თვისებებით არის ცნობილი.
ინგრედიენტები
ინგრედიენტები
- მარილი და პილპილი
- მწვანილი (კამა, ოხრახუში...)
- ბოსტნეულის ბულიონი ან წყალი
- დაფქული ჯანჯაფილი
- კარაქი
- ზეთი
- დაბალპროცენტიანი ნაღები
- ხახვი
- სტაფილო
მომზადების წესი
მომზადების წესი:
გაფცქვენით სტაფილი და დაჭერით მსხვილ ნაჭრებად, ხახვი – წვრილად. სქელძირიან ქვაბში გააცხელეთ ზეთი, დაუმატეთ კარაქი და მოხრაკეთ ხახვი დაახლოებით 4-5 წუთის განმავლობაში.
დაუმატეთ სტაფილო და ჯანჯაფილი, გააგძელეთ ცეცხლზე ხრაკვა. დაუმატეთ ბულიონი (ან წყალი) და ხარშეთ საშუალო ცეცხლზე 25-30 წუთი (ჩანგლით შეამოწმეთ, მოიხარშა თუ არა სტაფილო).
მოხარშული სტაფილო დააბლენდერეთ პიურეს მასის მიღებამდე, დაუმატეთ ნაღები, მარილი და პილპილი გემოვნებით. სუფრასთან მიტანის წინ მორთეთ დაჭრილი მწვანილით.
