ლექსები აფხაზეთზე

+1
24-02-2023, 20:10
291 ნახვა
Aa

აფხაზეთში   დავბრუნდებით

დაკოდილო გულო, ჰყვირი,
ვერც ვერასდროს დადუმდები
სისხლიანი გზებით ვივლით,
მაგრამ მაინც დავბრუნდებით

იქნებ ჩვენი ნაღდი ძმობის
უტყუარი საბუთებით
იქნებ სხვისი თოფი გვჯობნის,
მაგრამ მაინც დავბრუნდებით.

ფრთებს, დამსხვრეულს , ისევ გავშლით,
ძველ ბუდეში ჩავბრუნდებით
იქნებ სხივიც ჩაქრეს თვალში
მაგრამ მაინც დავბრუნდებით

ლოცვა ჩვენი ცის და მიწის ,
თან დაგვყვება გამუდმებით,
იქნებ ბრძოლით , იქნებ სისხლით ,
მაგრამ მაინც დავბრუნდებით!

კვლავაც მშობლიური მიწის
სიმღერებით გავბრუვდებით
ჩქიმი ჯიმა , ცოტაც გვიჭირს
მაგრამ მაინც დავბრუნდებით !


ნოდარ დუმბაძეს გულრიფშში სახლი ჰქონდა. სამოთხეს ეძახდა აფხაზეთის სანაპიროს.... ერთხელ ,სახლი გადაუღებავს და "ნოდარ დუმბა" დაუწერია-აფხაზური ძირი მაქვსო..(არადა გურული იყო)...ხანაც საღებავი არ მეყო ძე-ც რომ დამეწერაო,-ხუმრობდა თურმე....
მწერალს ნავიც ჰყოლია, რომელსაც "აჯიკა" დაარქვა და სათევზაოდ ხშირად დადიოდა.....
სიკვდილის წინ კი უთქვამს:"შიმშილით რომც კვდებოდეთ ყველაფერი გაყიდეთ, ოღონდ გულრიფში არა, რადგან ჩემი სული იქ არისო..

გაზიარება:
FACEBOOK კომენტარები
რეკლამა