სალათის მიქსი წარმოადგენს სხვადასხვა სახეობის სალათის ფოთლების ნარევს. შეგვიძლია თავად შევიძინოთ სხვადასხვა ჯიშის სალათა, ხოლო დაფასოებული სალათის მიქსი კი ძირითადად სუპერმარკეტებში იყიდება.
ინგრედიენტები
ზეთი შესაწვავად
ქამა სოკო
ლიმონის წვენი
მწვანილი (კამა, ოხრახუში...)
ზეითუნის ზეთი
მარილი და პილპილი
ახალი ნიორი
მწვანე ხახვი
სალათის ფოთლების მიქსი
მომზადების წესი:
სოკო გავარჩიოთ, გავრეცხოთ და შევწვათ ზეთში. დავუმატოთ მარილი და პილპილი.
სალათის ფოთლების მიქსი დავჭრათ მსხვილად, დავუმატოთ წვრილად დაჭრილი მწვანე ხახვი, ახალი ნიორი, ოხრახუში და კამა. შევაზავოთ, მარილით და პილპილით, მოვასხათ ზეითუნის ზეთი და ლიმონის წვენი, კარგად ამოვურიოთ და დავუმატოთ შემწვარი სოკო.
